जय महाराष्ट्र युवा मंचच्यावतीने छत्रपती शिवाजी महाराज जयंती साजरी

          पंढरपूर (प्रतिनिधी) - हिंदवी स्वराज्याचे संस्थापक छत्रपती शिवाजी महाराज यांच्या जयंतीनिमित्त सोमवार दिनांक 19 फेब्रुवारी 2024 रोजी जय महाराष्ट्र युवा मंचच्या वतीने प्रतिवर्षाप्रमाणे याही वर्षी शिवजयंती मोठ्या उत्साहात साजरी करण्यात आली. दर्शन मंडप चौक येथे शिवमुर्तीचे पूजन माजी नगराध्यक्ष व पंढरपूर अर्बन बँकेचे संचालक मा. श्री. हरीष ताठे यांच्या शुभहस्ते करण्यात आले. यावेळी अरविंद लाड, रंगनाथ बडवे, गायकवाड, देशपांडे, आदी  ज्येष्ठ नागरिक उपस्थित होते.

        याप्रसंगी बोलताना हरीष ताठे यांनी जय महाराष्ट्र युवा मंचच्या कार्याचे कौतुक केले. तसेच शिवरायांविषयी बहुमूल्य मार्गदर्शन केले. तसेच मा. तहसीलदार श्री. किशोर बडवे साहेब यांच्या हस्ते उपस्थिताना तसेच शिवप्रेमींना  किशोर बडवे यांच्या हस्ते चहा वाटप करण्यात आले.

           सदर कार्यक्रम जय महाराष्ट्र युवा मंचचे संस्थापक अध्यक्ष श्रीराम साळुंखे यांच्या उपस्थितीत नियोजनबद्ध पार पडला. याप्रसंगी समाजसेवक मुकुंद महाराज बडवे, प्रथमेश बारसकर, सोहम व्होरा, नागेश शिरसागर, नारायण कासार आदींचे बहुमोल सहकार्य लाभले.