पंढरपूर (प्रतिनिधी) - संभाजीनगर पिंपरी चिंचवड पुणे येथे पिंपरी इलाईट रोटरी क्लबची नुकतीच निवडणूक प्रक्रिया पार पडली. यामध्ये क्लबच्या अध्यक्षपदी इरफान आवटे यांची निवड करण्यात आली.
पिंपरी इलाईट रोटरी क्लब हा रोटरी इंटरनॅशनलच्या रोटरी डिस्ट्रिक्ट 3131 चा एक भाग आहे. या क्लबचा उद्देश सामाजिक आणि व्यावसायिक विकास करणे, समुदाय सेवा करणे आणि रोटरीच्या मूल्यांचे पालन करणे हा आहे.
नूतन अध्यक्ष इरफान आवटे हे उद्योजक असून या अगोदर त्यांनी गरजू लोकांना अनेक वेळा मदत केलेली आहे. विशेष म्हणजे त्यांनी कोरोना काळात गव्हर्मेंट हॉस्पिटल व शाळांना फॉगिंग मशीनची मदत केली आहे. गरजू रुग्णांना व गरीब परिस्थितीतील विद्यार्थ्यांना शैक्षणिक साहित्य मदत केली आहे. गरजू लोकांना वस्त्र दान, अन्न धान्य दान अशी मदत केली आहे. ते नेहमीच समाजोपयोगी अश्या उपक्रमात अग्रेसर असतात.
नूतन अध्यक्षपदी निवड झाल्या नंतर इरफान आवटे म्हणाले की, मीही खूप गरीब घरातून आलेलो असल्याने मला त्याची जाण आहे. गरिबी बरोबर माझाही संघर्ष झाला असल्यामुळे मला गरजु लोकांना मदत केल्यामुळे मला मानसीक समाधान मिळते. तर यावेळी कार्यक्रमाचे प्रमुख पाहुणे रोटरी डिस्ट्रिक्ट गव्हर्नर संतोष मराठे म्हणाले की, नूतन अध्यक्श इरफान आवटे हे बुद्धिमान अभ्यासू कल्पक आणि संसाधनक्षम असल्याने त्यांचा फायदा नक्कीच गरजु लोकांना होईल व ते त्या पदाला योग्य न्याय देतील असा मला विश्वास आहे.
कार्यक्रमाचे सूत्रसंचालन रोटरियन माधव शेंडकर यांनी केले. सचिव पदी अनिल भांडुर्गे यांची निवड करण्यात आली. यावेळी बोर्ड ऑफ डायरेक्टरचे नूतन सर्व सदस्यांचे स्वागत करण्यात आले.
यावेळी सहाय्यक गव्हर्नर रोटरियन प्रणिता आलुरकर, रविंद्र भावे यांच्या सह, आवटे यांच्या परिवारातील त्यांच्या पत्नी सौ. शितल आवटे व मुलगा रोटरैक्ट माजी अध्यक्ष आर्यन आवटे व मित्र परिवार उपस्थित होते.
